បច្ចេកវិទ្យា : របៀប​សម្គាល់​ខ្សែ សាក​ថ្ម​ប្រភេទ Lightning របស់​ក្រុម​ហ៊ុន Apple

គ្រប់យ៉ាងកាន់ តែប្រសើរនៅ ពេលដែល ក្រុម​ហ៊ុន Apple បាន​ផ្លាស់​ប្តូរ​ខ្សែ និងតំណរ សាក​ថ្ម​ជា​ប្រភេទ Lightning ដោយការផ្លាស់ប្តូរតាំងពីស៊េរី iPhone 5 រហូតមកទល់ពេលនេះ។ សំរាប់ខ្សែប្រភេទ Lightning នេះពិតជា ងាយស្រួល ក្នុងការប្រើប្រាស់ ដោយអ្នកអាច ដោតឌុយចូល រន្ធសាកថ្មរបស់ iPhone នៅផ្នែកខាងណា នៃឌុយក៏បាន ប៉ុន្តែអ្វីដែល រំខាននោះ គឺខ្សែ និងតំណ សាកថ្មក្លែងក្លាយ ដែល​ឈ្មួញ​បាននាំចូលមក លក់នៅក្នុង ប្រទេស។ នេះហើយជា ផលប៉ះពាល់ នៅពេលអ្នកប្រើប្រាស់ខ្សែ ឬតំណរសាកថ្មក្លែងក្លាយ ដោយវាអាច កំទេចស្មាតហ្វូន របស់អ្នកបានគ្រប់ពេល។
នៅពេលនេះ​ យើងបាន ពាំនាំពីរបៀប សម្គាល់ខ្សែ និងតំណសាកថ្មប្រភេទ Lightning ពិតប្រាកដ ដែល​ជា​ផលិតផល សុទ្ធរបស់ក្រុមហ៊ុន Apple ។ ដើម្បីឲ្យ មិត្តអ្នកអាន កាត់បន្ថយ ការចាញ់បោក អ្នក​លក់​មួយ​ចំនួន មានគំនិត ខិលខូច ចង់បន្លំលក់ របស់ក្លែងក្លាយ ប៉ុន្តែយក តម្លៃស្មើររបស់ សុទ្ធនោះ ឬអ្នកអាច​ដឹង​ពីខ្សែ ឬតំណរសាកថ្មក្លែងក្លាយ ហើយជៀសវាង មិនប្រើប្រាស់បាន។ សូមអានការ ណែនាំខាងក្រោម៖
ការណែនាំពី ក្រុមហ៊ុន Apple ផ្ទាល់ បង្ហាញពីអាការៈ របស់ស្មាតហ្វូន នៅពេលប្រើខ្សែ ឬតំណរ​សាកថ្ម​ក្លែង​ក្លាយ៖

• ស្មាតហ្វូនរបស់អ្នកចាប់ផ្តើម មានបញ្ហា ដូចជាឆាប់ក្តៅ ឬក្តៅខ្លាំងជាងធម្មតា
• ខ្សែក្លែងក្លាយនោះងាយស្រួលខូច ឬដាច់
• តំណរសាកថ្មឆាប់ឡើងកម្តៅ ឬក្តៅខ្លាំងទាល់តែមិនអាចប៉ះបានយូរ
• ប្រព័ន្ធប្រតិបត្តិការជំនាន់ចុងក្រោយរបស់ iOS នឹងប្រាប់អ្នកឲ្យដឹង នៅពេលមានខ្សែក្លែង​ក្លាយ​ដោត​ចូលស្មាតហ្វូន (សំរាប់ខ្សែក្លែងក្លាយមួយចំនួន)
• ខ្សែក្លែងក្លាយខ្លះ ពេលដោតស្គាល់ ហើយពេលខ្លះដោតមិនស្គាល់។

(ខាងឆ្វេង ក្លែងក្លាយ និងខាងស្តាំ របស់សុទ្ធ)
សំរាប់មិត្តអ្នកអាន មួយចំនួនដែល មិនទាន់ បានដឹង​ អាចសាក ចាប់អារម្មណ៍ លើការប្រើប្រាស់នេះ ដើម្បី​ជៀសវាង ការកើតហានីភ័យ មួយចំនួន ដែលអាច កើតឡើងដោយ មិនដឹងខ្លួន រហូតដល់​ថ្នាក់កើត​​ឡើង​ជា បញ្ហាធ្ងន់ធ្ងរ បានទៀតផង នៅពេល ប្រើប្រាស់ខ្សែ ឬតំណរសាកថ្ម ក្លែងក្លាយទាំងនេះ។

ប្រភពដក់ស្រងចេញពី : cambo-report.com