របៀបធ្វើកាពិផាវ

    របៀបធ្វើកាពិផាវ
គ្រឿងផ្សំ៖ 

• ត្រីឆ្អើរបុក ១វែក

• បង្គាក្រៀមបុក ១វែក

• សាច់ជ្រូកចិញ្ច្រាំ ១០០ក្រាម

• ខ្ទឹមសបំពង ១មើមធំ

• ខ្ទឹមក្រហមបំពង ៣មើម

• ម្ទេសក្រៀម ១ក្តាប់

• ស្ករត្នោត ១ស្លាបព្រា

• កាពិដុត ១ស្លាបព្រា

• ទឹកត្រី ៣ស្លាបព្រា

• ម្ជូរអំពិលទុំ ៣ផ្លែ

• ប្រេងឆា ២វែក

របៀបធ្វើ៖ 
១- យកម្ទេសក្រៀម លីង ឬ បំពង ហើយបុកអោយម៉ដ្ឋ ទុកមួយអន្លើ
២- យកសាច់ជ្រូកចិញ្រ្ចាំលីងអោយដាច់ទឹក ហើយដួសទុកមួយអន្លើ
៣- យកខ្ទឹមសបំពង ខ្ទឹមក្រហមបំពង បុកអោយម៉ដ្ឋ រួចបុកលាយ ត្រីឆ្អើរ បង្គាក្រៀម ម្ទេសក្រៀមបុក អោយសព្វ ទុកមួយអន្លើ
៤- ចាក់ប្រេងឆា ចូលឆ្នាំងខ្ទះក្តៅ រួចដាក់ស្ករត្នោតចូល លីងអោយឈ្ងុយ ទើបចាក់ទឹកត្រី កាពិ និង អំពិលទុំចូល កូរអោយសព្វ
៥- ចាក់សាច់ជ្រូកចូល កូរអោយសព្វ ទើបបន្ថយភ្លើង កុំអោយខ្លោចបាតខ្ទះ
៦- យកត្រីឆ្អើរដែលបុកជាមួយគ្រឿងសព្វសាររួចហើយនោះ មកចាក់ចូលទៅក្នុងខ្ទះ កូរលាយអោយសព្វជាមួយសាច់ជ្រូក ភ្លក្សថែមថយ តាមចំណូលចិត្ត
៧ សូមកូរសាច់រហូតដល់ស្ងួតដាច់ទឹកអស់ ទើបលើកចុះពីចង្រ្កុាន ទុកអោយត្រជាក់ មុននឹងដួសច្រកកែវ ទុកបរិភោគ។ បើកូរមិនដាច់ទឹកទេ នោះកាពិនឹងឆាប់ដុះផ្សិត តែបើដាច់ទឹកល្អ នឹងអាចទុកបាន រាប់អាទិត្យ។

…



ដកស្រងចេញពី : អ្នកស្រី កែវ ច័ន្ទបូរណ៍